القائمة الرئيسية

الصفحات

ابن التربي قصة رعب عالم ما وراء الطبيعة الخفي "رعب الموتي"

ابن التربي قصة رعب عالم ما وراء الطبيعة الخفي "رعب الموتي"



.اهلا بكم في موقعنا في قصص رعب عالم ما وراء الطبيعة الخفي والعالم الآخر وقصص الرعب اليوم قصتنا عن رعب الموتي عالم الارواح العالم الاخر والعالم الخفي حيث تقع اغرب القصص التي خرجت عن الطبيعة اليوم قصتنا ابن التربي قصة رعب مصرية في سلسلة قصص رعب علم ما وراء الطبيعه الخفي القصة من جزء واحد نامي أن تنال إعجابكم ابن التربي مع القصة .


ابن التربي قصة رعب عالم ما وراء الطبيعة الخفي "رعب الموتي"




. قعد قصادي استاذ منتصر بعد ما استدعيته لمكتب مديرة المدرسة اللي بيشتغل فيها.. او بمعنى أوضح "استدعيته لمكتبي"..

قعد قصادي وبص لي بقلق، كان متوتر ومش على بعضه، عينيه كانت زايغة وعمالة تروح شمال ويمين، العرق كان تقريبًا مغرق كل جسمه، وده بالرغم من إني كنت مشغلة التكييف وقافلة الباب والجو كان كويس جدًا!

ركزت معاه ومع السواد اللي تحت عينيه، وكمان مع بياض عيونه اللي كان لونه مائل للأحمرار بشكل فظيع، كل دي حاجات كانت بتوضح بشكل كبير إن الشخص اللي قدامي ده بقاله أيام مانامش!

خبطت بالقلم على المكتب كذا خبطة عشان الفت انتباهه واخليه يبصلي، لكن عينيه ماكانتش مستقرة، كان عمال يبص حواليه وكأنه خايف من حاجة او شايف حواليه ناس مش موجودين!

خبطت بإيدي خبطة أجمد عشان اخليه يركز معايا..

-أستاذ منتصر.

-هاه!.. مع حضرتك يا فندم.

عدلت نضارتي وبصيتله بتركيز أكبر..

-مش واضح يا أستاذ.. وعمومًا مش ده موضوعنا، خلينا في اللي استدعيتك عشانه.

بلع ريقه وجاوبني بقلق مافارقوش من وقت ما دخل عليا..

-خير يا استاذ نجلاء؟

سيبت القلم من إيدي وبدأت اتكلم معاه بحزم...

-للأسف مش خير... إنك تيجي المدرسة كل يوم متأخر ساعة او اكتر لمدة أسبوع، ده مش خير أبدًا، وكمان الطلبة بيشتكوا من حضرتك وبيقولوا إنك بتخوفهم لما بتتكلم مع ناس مش موجودين، ده غير الضرب والعنف اللي بيعتبر هو اسلوبك الأساسي من وقت ما اتعينت هنا في المدرسة، كل اللي قولتهولك ده طبعًا مش خير.

بلع ريقه وقلع نضارته، ابتدى يمسح في عرقه وهو بيقول لي بصوت مهزوز..

-لو على تأخيري.. فانا تعبان، مابعرفش انام كويس، انا مش ألة يا حضرة المديرة، انا بني أدم وبحس، وبعدين انا بقالي حوالي ٤ أيام مابنامش في اليوم إلا ساعة واحدة بس، انا هتجنن.. هو السبب.. هو السبب!

اتغيرت ملامحي من الحزم للاستغراب..

-هو السبب في ايه!.. وبعدين مين هو ده؟


جاوبني وهو بيلبس نضارته وبيبص حواليه بنفس نظراته الغريبة...

-الطالب اللي عاقبته من أسبوع عشان نسي يجيب كشكول الواجب، الولد ده بعد ما ضربته قال لي إني مش هعرف انام، وقال لي كمان إنه هياخد حق الضرب اللي ضربتهوله أضعاف، مافهمتش كلامه إلا بعدها بتلات أيام.. انا الكوابيس والخيالات مابقتش تفارقني، تملي.. تملي بشوفه وهو حواليه ناس أشكالهم غريبة، الواد ده مخاوي.. ابوه تربي ودجال وهو اللي عمل فيا كده، انا روحتله وطردني وقال لي إن دي جزاتي، انا هتجنن.. انا انا...


قاطعته..

-انت ايه يا أستاذ منتصر، الولد مابيأذيش حد من وقت ما دخل المدرسة، انت اللي ضربته بكل قسوة يومها، ولولا إن انا اتدخلت عشان تاريخك كمدرس ومنعته من إنه يعملك مشكلة واديتله أجازة أسبوعين عشان يخف من أثار الضرب ونفسيته تتظبط، كان زمانه هو وابوه مقدمين فيك شكوى، وبعدين هو كل طالب والده بيشتغل تربي، يبقى بيعمل أعمال للمدرسين!.. استاذ منتصر، انت شخص غير مسؤول وغير سوي، واللي عندك ده هلاوس بسبب احساسك بالذنب، اقولك.. خد أجازة وارتاح في البيت لحد ما تبقى أحسن، اتفضل.. رَوح ارتاح، ولما تحس إنك بقيت كويس، ابقى ارجع للمدرسة.

أول ما قولتله كده خد بعضه وخرج جري من المكتب، وكأنه كان مستنيها مني!

رَوح بيته وخد أجازة فعلًا، بس بعد مرور ٣ أيام بالظبط، عرفت إنه انتحر.. استاذ منتصر شنق نفسه، واخر حاجة عملها قبل ما يموت، هي ورقة كتب فيها رسالة ليا انا، ورقة اديتهالي مراته وقت دفنته وقالتلي إنها رسالة منه كتبهالي قبل ما يدخل أوضته وينتحر!

أخدت منها الورقة وفتحتها، بدأت اقرا اللي فيها وانا مبرقة...

(استاذة نجلاء.. انا لازم اموت عشان ارتاح من اللي بشوفه، ارفدي الطالب أمير عبد الجبار، هو السبب في اللي انا فيه، هو اللي خلى حياتي جحيم.. هو السبب في موتي، أرفديه قبل ما يأذي أي حد تاني غيري)

خلصت قراية الورقة وبصيت حواليا عشان الاقي قصادي التربي عم عبد الجبار والد أمير، قرب مني بطيبة وعزاني في وفاة استاذ منتصر اللي دفنه بإيده، كان راجل طيب ومايبانش عليه إنه دجال ولا مؤذي، اكيد استاذ منتصر كان بيتهيئله او الراجل طرده عشان هو اللي ضرب ابنه، ولولا تدخلي كان زمانه ضاربه هو كمان او عامله محضر لأنه ضرب ابنه..

بس فجأة ووقت ما كُنا واقفين سوا، سمعنا صوت واحدة ست بتصوت وهي جاية بتجري من عند أخر الترب، الست دي قربت من عبد الجبار وقالتله بصوت عالي..

(الحق ابنك.. دخلت عليه الأوضة لقيته مابينطقش!)


جرينا كلنا وهنا كانت الصدمة، أمير الطالب في المرحلة الأعدادية انتحر.. بس مش دي المصيبة بقى، المصيبة الأكبر إن امه وابوه قالوا إنه بعد اللي حصله من منتصر، فضل قاعد في أوضته ومابياكلش لمدة تلات أيام، بعدهم دخل في غيبوبة ونقلوه المستشفى، الولد جاله هبوط بسبب امتناعه عن الأكل، وعشان يفضل عايش كانوا الدكاترة بيعلقوا له محاليل، وفضل في الحالة دي لحد يوم انتحار استاذ منتصر، وهنا بقى المصيبة الاكبر، ازاي أذاه وهو كان في غيبوبة تقريبًا من وقت ما منتصر ابتدى يشوف الحاجات الغريبة اللي كان بيشوفها بحسب كلامه.. ايوة، منتصر بدأ يشوف الخيالات والكوابيس من بعد ضربه للولد بتلات أيام، يعني من وقت ما الولد دخل في غيبوبة، والأغرب من ده كله بقى إن أمير فاق يوم انتحار منتصر وخرج من المستشفى، وفي النهاية انتحر يوم دفنته.. وكمان ابوه الراجل الطيب اللي انا اعرف كويس إنه راجل عارف ربنا ومش دجال، مأذاش منتصر لأنه كان مع ابنه!

انا ماكنتش فاهمة حاجة، او فضلت مش فاهمة حاجة لحد ما في يوم بالليل وبعد ما نمت، ليلتها حلمت بأستاذ منتصر وهو بنفس هيئته اللي شوفته عليها أخر مرة، كان واقف قصاد قبره وبيبصلي بخوف وبيقول لي...

(الشيطان اللي طلعله من الترب لما قعد يعيط في أوضته يوم ما ضربته هو السبب.. هو اللي أذاني وخلاني انتحر، وفي المقابل خلاه هو كمان ينتحر.. روحي كانت قصاد روحه.. روحي كانت قصاد روحه)

صحيت من نوم وصوت منتصر بيرن في ودني، كنت خايفة وقلقانة، مديت إيدي على الكومود اللي جنبي وجيبت كوباية ماية، شربت منها شوية وحطيتها جنبي، وعشان ماحسش بالخوف، فتحت نور الأباچورة، لكني أول نورت النور اتنفضت من مكاني لما شوفت في المراية اللي قدام سريري أمير!

كان شكله غريب، ملامحه ماكانتش ملامح ولد في أعدادية، عينيه كانت سودة ووشه كان عليه ابتسامة غريبة، بص لي وضحك اوي وقال لي بصوت غليظ..

(روح قصاد روح... انتقمتله وخليت منتصر ينتحر، وقصاد روح منتصر خدت روح أمير.. انا الكسبان في اللعبة دي، انا الكسبان من أذاكوا ومن شركوا في كل مرة)....

فجأة اختفى أمير لما جوزي صحي على صوت صرخاتي، ومن يومها وانا ماشوفتوش ولا شوفت منتصر لا في حلم ولا في حقيقة، بس الطلبة في المدرسة بيقولوا إنهم ساعات بيشوفوا أمير في الفصل أول ما بيدخلوه الصبح وفجأة وأول ما بيدخلوا بيختفي!


| رعب الموتي | 


قصص رعب,قصص مرعبة,قصص رعب نصف الليل,قصص مرعبه,قصص رعب حقيقية حدثت بالفعل,قصص رعب حقيقية,قصص رعب انيميشن,رعب,قصص رعب للمتابعين,قصص جن عن السحر الاسود,قصص رعب قصص رعب,قصص رعب ياسمين,قصص رعب محمد جويلي,قصص رعب واقعية حقيقية,قصص رعب مخيفة,قصص رعب كارتون,قصص رعب انيمشين,قصص,قصص رعب كارتون مرعبة,أشهر قصص الرعب الحقيقية,قصص عن الجن,قصص رعب حدثت بالفعل,كارتون قصص رعب,قصص جن,قصص رعب احمد يونس,قصص مرعبة كرتون,قصص مخيفة,رنا قصص رعب,قصص رعب المشرحة,قصص رعب عن الجن,قصص رعب عهد الموت,قصص جن مع المتابعين

---------


www.worldegy.com 


--------

" W̶O̶R̶L̶D̶ ̶̶̶̶E̶G̶Y̶ "

----

🌹😍🌹




reaction:

تعليقات