القائمة الرئيسية

الصفحات

«ليست لأصحاب القلوب الضعيفة».. أفضل روايات رعب أجنبية وعربية " الملعونة

 

«ليست لأصحاب القلوب الضعيفة».. أفضل روايات رعب أجنبية وعربية " الملعونة




.قصة رعب مصرية ليست الٱصحاب القلوب الضعيفة أو الاطفال سلسلة قصص مرعبة وعالم الرعب الخفي قصص مخيفة من العالم الاخر عالم السحر والجن وما وراء الطبيعة الخفي اليوم العالم النحيف والغريب والذي يقع في البعد الاخر من العالم عالم الظلام العالم الخفي الذي بيحث عنة الكثير هيا بنا في رسالة من سلسلة قصص تدخلك الي عالم الظلام الي العالم الغريب عالم ما وراء الطبيعة الخفي هيا بنا الجزء الاول في قصص مخيفة من العالم الاخر  .








جالي في العيادة بتاعتي مغني مشهور جدًا، كان شكله طبيعي، زي ما بيظهر، وقعد قدامي ، فرحبت بيه، وقالي:
-أنا عايز حل.
-لإيه يا فنان ؟
-بقالي سنة بحاول اشتغل بس مش قادر، كل حاجة بتسوء.
-ليه ؟
-علشان ملتزمتش بالعقد اللي عملته معاهم.
-عقد الشركة ؟
-لا، عقد النار.
-ممكن توضح.
المغني الشهير سكت، وطلع علبة سجائر من جيبه، وبدون ما يستأذن، ولع سيجارة وقالي:
-من 9 سنين كان في مشاكل كتيرة في البلد بعد الثورة، والمغنين المشهورين كانوا ثابتين متغيروش، وفرصتي للظهور على الساحة كانت مستحيلة، خاصة لأن كنت شخص بسيط، لا معايا واسطة ولا معرفة، وحاولت كتير، 

وفشلت أكتر، وقررت انتحر، فدخلت الحمام وعلقت في السقف حبل تخين ولفيته حوالين رقبتي، وزقيت الكرسي برجلي، والحبل بدأ يضيق على رقبتي وكنت بتخنق، لكن فجأة الحبل اتقطع مستحملش، ووقعت على الأرض ومبقتش شايف حاجة، وحد زقني جامد لقدام عند باب الحمام علشان أخرج، فلفيت وشي وبصيت وشوفت كائن ضخم، وجسمه أحمر، وعينيه سودة، لما دققت فيها،

 شوفت زي فيديو ليا من وقت ما اتولدت ومحاولاتي في النجاح، لحد ما قررت انتحر. ورغم كل الحاجات دي مكنتش خايف، ولا مرعوب، والكائن ده كان خارج منه سخونية رهيبة، وجسمي عمال يعرق. وفجأة لاقيته بيبصلي وعينه بقت بيضاء، ورغم إنه متكلمش معايا، لكن لاقيت عقلي بيترجم إشاراته، وفهمت إنه عايز يعقد معايا صفقة، إن أكون مشهور، ومعايا فلوس، وعلاقات، وشغلي بينزل وبيكسر الدنيا، بس في المقابل لازم أنفذ كل الحاجات اللي بيطلبها مني. 

كنت ثابت ومركز في حركة عين وإيد المغني، ومن لغة جسمه أقدر أقول إنه مش صادق في كل كلامه، وأظهرتله إن مهتم، وسألته بحذر:
-كان بيطلب منك إيه ؟
-قبل ما نعمل العقد وأنا في الحمام، هزيت راسي، ولاقيت كل حاجة اتبدلت من حواليا، وفجأة بقينا في المقابر، والكائن الضخم كان سابقني بخطوات سريعة، لحد ما وقف قدام منطقة فاضية ومكنش فيها قبور خالص، وسجد على الأرض لحاجة مشوفتهاش وحفر بإيده الضخمة اللي كانت مليانة دم، لحد ما عمل حفرة كبيرة في الأرض ونزل فيها واختفى، وبعد ثواني طلع وكان شايل جثة شاب رقبته كان مقطوع منها جزء كبير، وقرب وحطه تحت رجلي، 

وفجأة لاقيت حاجة بتخليني أنزل على الأرض وأقرب راسي من جثة الشاب، وقتها شميت ريحة كانت جميلة، والكائن قرب مني ورسم دائرة بالدم اللي بينزل من إيده، على راسي، وبعدها طلع قماشة سودة وقديمة وفتح "بؤ" الشاب وحطها جواه، ونزله تاني للحفرة وردم عليه التراب بسرعة. 
المغني سكت وولع سيجارة ثانية، وإيده كانت بتترعش، وعينيه مدمعة، بس برضة ملامحه بتقول إنه كداب، فسألته:
-تحب نوقف وترتاح ؟

ضحك ورفع حواجبه وقالي:
-هكمل علشان أنت مش مصدقني، ومركز مع حركات جسمي أكتر ما مركز معايا علشان تثبت لنفسك إن مجنون.
كلماته هزتني، بس أخفيت اضطرابي، وقولتله:
-كمل، أنا مصدقك. 
المغني قبل ما يتكلم سمعت صوت حاجة بتقع وبتتكسر بره في العيادة، فقمت وفتحت الباب لاقيت كوباية واقعة قدام الباب، والمساعدة بتاعتي جاية بتجري وبتعتذرلي، فقفلت الباب، ولما رجعت لمكتبي لاحظت إن عليه بقع دم صغيرة وناشفة، فتجاهلتها، والمغني كمل وقال:

-بعد اللي حصل رجعت بيتي، وبعد 24 ساعة كمان، وأول ما القمر ظهر كامل في السماء، دخلت الحمام ولاقيت الكائن واقف وشدني من إيدي وروحنا المقابر تاني، وطلع جثة الشاب، وفتح "بؤه" وطلع منه قطعة تفاح حمراء وليها ريحة مغرية للأكل، وبتلمع، أخدتها وأكلتها بتلذذ ، وبعدها الكائن سجد، والرؤية اتبدلت ورجعت أوضتي، 


تاني يوم فضلت قاعد مستني في شقتي ورايح جاي في كل حتة، إن حد يكلمني في شغل، أو الكائن يظهرلي في الحمام، لكن مكنش ليه أثر. واستمر الحال لأسبوع، لحد ما لاقيت تليفوني بيرن، وحد بيقولي:
-ألو أستاذ ... معايا ؟
-أيوه مين ؟

-أنا ..... مدير شركة .... للإنتاج الفني، حضرتك كنت سيبتلنا مجموعة من أشعارك، من سنتين، الأستاذ .... قرأها وهيشتريها منك ويعملها ألبوم مقابل شيك بـ200 ألف جنيه، تقدر تصرفه أي وقت.
اضايقت إن مش أنا اللي هغني رغم اللي حصل ده كله، بس وافقت لأن كنت محتاج فلوس علشان الديون اللي عليا، وروحت الشركة وأخدت الشيك وقابلت الأستاذ ....، والألبوم نزل وكسر الدنيا، 

بس محدش خد باله مني ولا عرفني.
والمغني بيحكي لاقيت برواز ورايا وفيه صورتي وقع على الأرض، واتكسر ميت حتة، اتفزعت جامد، وبصيت ورايا، ولما شوفته هديت وقولت للمغني:
-تشرب حاجة ؟
-هو اللي وقع البرواز، وكسر الكوباية، ومش هيسبني.
-مين ده ؟
-الكائن الضخم.
-اهدى محصلش حاجة، كمل.

-بعد سنتين لاقيت منتج أغاني مشهور بيكلمني وعايزني أكتبله 20 أغنية وعرض عليا وقتها 500 ألف جنيه، كتبتهم بسرعة ووديتهمله، واشترط عليه أغني منهم أغنيتين سينجل، وافق بعد إلحاح مني، ولما غنيت وعجبه صوتي، قرر يخليني أغني الألبوم كله، ومن وقتها حياتي اتغيرت، وسلسلة النجاحات موقفتش. ونسيت الكائن،

 وغيرت شقتي واشتريت فيلا في التجمع الخامس. وفي يوم بليل بعد ما أكلت دخلت الحمام، لاقيت الكائن ولأول مرة أخاف منه، وقفت قدامه وفهمت من عيونه إنه عايز مني خدمة، كانت خدمة غريبة، بس نفذتها. ومن وقتها الخدمات مبقتش تخلص، وكل ما أحقق نجاح يجيلي ويطلب مني خدمة.
-إيه نوعية الخدمات دي ؟

-مرة طلب مني أسحب فلوس واشتري مقابر في 6 أكتوبر.. ومرة طلب مني أساهم بمليون جنيه في دعم مستشفى الدكاترة بتاعتها بيتاجروا في الأعضاء البشرية، ومرة طلب نص مليون جنيه وخلاني أوديها لدجال في منطقة شعبية قديمة، وطلبات ياما مكنتش بتخلص، وكل ما كنت بوافق وبعملها بسرعة المنتجين يجروا عليا، والأغاني تنجح ، بس عارف اللي مزعلني إيه ؟

 إن لما في يوم رجعت بيتي القديم لاقيت رسالة في صندوق الرسائل اللي في العمارة، كانت جيالي من منتج مشهور، قال فيها إنه عجبه مجموعة أشعار بعتهاله وعرض عليا مبلغ كبير، والكلام ده كان امتى ؟، قبل الليلة اللي كنت هنتحر فيها بيومين بالظبط، يعني كان ممكن أوصل من غير الكائن ده، بس يلا الاستعجال وحش، المهم الكائن جالي وطلب مني أغرب حاجة.
-إيه ؟
-ممكن تعملي قهوة.

ابتسمتله وعملتله قهوة، وعملت ليا شاي، وكنت باصص عليه ومراقب حركاته بدقة، ولما رجعت وقبل ما نكمل كلامنا لاقيت اللاب توب اللي بشغل منه الموسيقى الهادئة فصل، فالمغني بص وضحك، قمت من مكاني وحاولت أشغل اللاب بس مكنش راضي يشتغل، ورجعت للكرسي بتاعي مضايق، وقولتله:
-كمل.
-إن أخليك تابع ليه، وتكون معانا.
-طيب إحنا كده خلصنا الجلسة، وميعادنا الأسبوع الجاي نفس اليوم.
-متهربش من كلامي، أنت السبب في اللي حصل من البداية.
-أنا ؟

-أيوه، فاكر لما كنت فاتح العيادة بتاعتك في منطقة شعبية، وكنت لسه متخرج ؟، وفاكر لما جالك شاب صغير في السن وحالته تصعب على الكافر، وأنت عاملته كويس ومرضتش تاخد منه فلوس وحاولت تعالجه ؟ وفضلت واقف جنبه ؟
ملامحه بدأت تضح قدامي، وعرفت إن الشاب ده هو اللي جالي، بس كان باسم تاني غير الاسم اللي اتشهر بيه، فقولتله:
-أيوه، وهل ده جزائي إن كنت واقف جنبك فنتا جاي تنتقم ؟
-أيوه لأنك كنت السبب في ظهور الكائن ليا،

 لما في يوم قولتلي ما تروح يا عم لدجال يمكن يفكلك العقدة بتاعتك.
-أنا قولت كده فعلاً بس كان بهزار ووقتها أنت ضحكت.
-بس كنت واخد الموضوع جد، وروحت لدجال وعقدت معاه صفقة، وبعدها جالي الكائن الضخم في حمام بيتي.
المغني وقف، وقرب من باب المكتب وقالي:
-الشاي اللي أنت شربته ده كان فيه حبة تراب من المقابر، مبروك أنت بقيت تابع ليه، سلام يا دكتور.
المغني خرج، فجريت على المساعدة بتاعتي، وسألتها: 
-البرواز ده وقع ليه ؟ واللاب فصل ليه ؟ ومين اللي كسر الكوباية وقت الجلسة ؟

-أنا يا دكتور اللي كسرتها بالغلط، والبرواز أنا قولت لحضرتك لما جيت إن المسمار بتاعه ضعيف وعايز يتغير بس حضرتك مهتمتش، واللاب توب كان عايز يتشحن، بس كده.
-طيب.
دخلت وفضلت قاعد على المكتب بتاعي وبحاول أهدا، وأقنع نفسي إن المغني مريض، ياما قابلت حالات زيه كتير، وطلعت تليفوني وكلمت واحد يعرف المغني ده، وكان بيجي يتعالج عندي، ولما رد عرفت منه إن المغني بقى مجنون وبيقول حاجات غريبة بسبب المخدرات اللي بقى بيشربها بقاله فترة بجانب الخمور، وإنه محتاج يتعالج والكل يأس منه. قفلت معاه وقلبي اطمن شوية،

 ولما روحت بيتي، أكلت وهديت شوية، وكل حاجة بقت تمام بنسبالي، ولما دخلت الحمام مشوفتش الكائن ولا أي حاجة، ولاقيت تليفوني بيرن، رديت، وواحدة ست قالت:
- الرقم ده اتصل بيا من شوية، حضرتك مين ؟
- ده رقم أستاذ حسن ؟
-أيوه، بس أستاذ حسن تعيش أنت من سنتين.
جسمي اترعش فجريت على الحمام، ولما بصيت فيه شوفت الكائن الضخم واقف وبيبتسملي بشكل مرعب، وكل حاجة اختفت وبقينا في المقابر....

#تمت

لو القصة عجبتكم لازم تقولولي رأيكم ❤️❤️


" قصص رعب "

رعب حقيقي,رعب,مقاطع رعب,رعب حقيقى,قصص رعب حقيقية,افلام رعب,قصص رعب,رعب حقيقية,قصة رعب,مقالب رعب حقيقي,قصة رعب حقيقية,قصص مرعبة,رعب انيميشن,الرعب الحقيقي,رعب احمد يونس,فيلم رعب,قصص رعب رنا,قناة الرعب,سيدة الرعب,حقيقي,فيلم رعب 2021,فيلم رعب مترجم,مس حقيقي,قصص رعب انيميشن,رعب حقيقى😱فيديوهات مرة مرعبه راح توقف قلبك من شدة الخوف!! رعب حقيقى,مرعبه,مقاطع مرعبة,تجارب حقيقيه,تجارب حقيقية,شيطان حقيقي,قصة حقيقية,انيميشن رعب,فيلم رعب تركي,فيديوهات رعب,قصص الرعب,قصص مرعبه,افلام رعب 2021,قصص رعب انميشن
reaction:

تعليقات