القائمة الرئيسية

الصفحات

سحر الجنون عالم ما وراء الطبيعة الخفي رعب من العالم الاخر

سحر الجنون عالم ما وراء الطبيعة الخفي رعب من العالم الاخر 




-- انا عـايز اعـرف ياعمـاد ايه ال بيحصل بالظبط! ..




-- الهلاوس يادكتور بدأت تذيد .. بدأت اشـوف حاجات غريبة!! انا واثق انها هلاوس .. واثق من كده مش من حاجة تانية؟ انا ال مريض وبقنع عقلي بكده!!


-- لا انت ان شاء الله هتبقي كويس ياعمـاد بس انـا عايزك تحكيلي عشـان صوتك مش مظبوط! 


        *******


الساعة دلوقتي 3:00 بعد منتصـف الليل، ده اكتـر وقت بيخليني اخـاف! بيخلي جسمي مش متزن ، بسـمع اصـوات غريبة.. اصوات مثلا زي صـوت حسين وهو بيفتح باب البيت؟ .. متستغربش!! ده شيء في منتهي الغرابة حسين اخويا ميت من سنتين!!.. مهما جبت نـاس تبـات معايا عمرها ماهتسمـع ال بمر بي او حتـى بشـوفه، أأا.. انا عندي مرض نفسي مسبللي هلاوس سمعيةوبصرية ، بسمع ناس بتتكلم حواليا دايماً.. مش شرط بتكلمني بس بتتكلم عموماً.. ! منهـم اخويا حسين لازم يفتـح الباب في نفس الوقت ال كـان بيجي في من شغله ويخبط عليا ويقولي 


سحر الجنون عالم ما وراء الطبيعة الخفي رعب من العالم الاخر



-- عمـاد انا عارف انك صاحي عايز اتكلم معـاك شوية!! ..




ببقي متوتـر!! صوت خبطه علي الباب بيخليني متوتر، ببقي نفسـي اروح اوضة ماما انام في حضنها! برغم اني عندي ٣٥ سنة! ، امي ال عمـرها مصدقت قصتي بل بتتعصب لمـا احكيهالها وبتغضب عليـا وكمان ديما تقولي اني انسـان منطوي ، ! اه .. انا منطوي .. منطوي جدا وعشـان كده عمري مافكرت حتي في الـزواج، .. لان عمرها مهتستحمل ال انـا بشوفه! ..




 بس في حاجة غريبة بقالها اسبوع .. الاحداث ال بتحصلي بدأت تذيد بدأت اترعب اكتـر بعد مكـانت الاحداث بتبدا من الساعة ٣ اتمدت شوية وبقيت تبدا من ١٢ بعد منتصف الليل، نور الحمـام لازم يفضل يرعش برغم اني قافله .. انا بكـون قافله انا متاكد من ده!!، بخـاف اقلـب القنوات في التلفزيون لان اثناء التقليـب بشـوف شخص قاعد جمبي وبيبصلي انا مش بيبص علي التلفزيـون بيبقي شكله غريب وملوش ملامح اصلا .. مش بيمزه غير عينه ال ديما بتشع نـور! .. وعشـان كده اتصلت بالدكتور ال حددلي جلسة ورحتله! 




-- انا عـايز اعـرف ياعمـاد ايه ال بيحصل بالظبط! ..




-- الهلاوس يادكتور بدأت تذيد .. بدأت اشـوف حاجات غريبة!! انا واثق انها هلاوس .. واثق من كده مش من حاجة تانية؟ انا ال مريض وبقنع عقلي بكده!!


-- لا انت ان شاء الله هتبقي كويس ياعمـاد بس عايزك تحكيلي عشـان صوتك مش مظبوط ..


- بقالي يومين بالظبط والاحداث بدأت تبقي عنيفة! .. بعد مكنت بشـوف اخويا بس .. دلوقتي بشـوف كائنات تانية!!، انـا روحت نمـت جمبها مرتين ، بس عنفتني بالكلام وقالتلي اني بقيت راجل وعيـب اني اخـاف بالشكل ده .. امي بقيت تمل مني!!، انا مش عايز اخسـرها هي كمـان ..


-- اهدي يـاعمـاد عشـان تتعالج بجد ، لازم تقتنع ان امـك ماتت مع حسين في الحادثة !! وعايزك تعرف ان....




- للل لا .. لا يادكتور!! ماما عايشة!! دي الحـاجة الوحيدة ال انا واثق منها كده هضايقني يادكتور .. وبعدين لمـا قولتلها كده عمرها مصدقتني .. لما قولتلها انها ماتت ملامحها اتغيرت .. .. انـا عايزك تكبتلي جرعة اكبر من المهدأت من فضلك ..




                  




مشيـت من عند الدكتور .. انا مش قـايل لحد اني بتعالج نفسيـا! محدش لازم يعرف ده، انا بس اتصدمت عشـان كنت متعلق ب حسين ومـات فاجئة فاعشـان كده ده بيحصلي ، بس لا!! .. لا حسـين انا بقالي يومين مش بشـوفه، مش بسمع صوته!! .. انا بشـوف افظع من كده!! ..بشـوف طفل صغيـر بيراقبني وانا قاعد في الصالون.. بيبقي ورا الجدار !! بشوفه بطرف عيني .. بيكون بيبتسم!! .. ابتسامته احيـانا بتخلي دمعة تنزل مني ! مش حزن لا ، دي دمعة من رعشة جسمي وخوفي!! ..




كـان اسوء يوم في حيـاتي لمـا قررت استحمي بليل الاسـبوع ال فات .. النور قطع عليا في الحمـام !! فضلت متسمر في مكاني مفيش غير صوت الدش نازل عليا.. و .. وفي صوت خطوات بطيئة برا!! .. صوت حد لابس كعب!! كان بيمشي رايح جي في طورئة ال جمب الحمـام والمطبخ لمدة ٣ دقايق! .. وبعدها وقف قدام الحمـام!! .. كنت في عقلي ده مش حقيقي .. ده مش حقيقي !! لحد مبدأ يدوس علي زرار النـور بتاع الحمـام ، يفتحه ويقفله .. يفتحه ويقفله!! بس ده مش حقيقي ده عقلي .. عقلي بيحـاول يرعبني!! .. بس برغم اني بقنع نفسي بكده الا انـي مش قادر اطلع من الحمـام جسمي مخشـب!! .. ايوه مش قادر احرك رجلي .. ده من الخوف ؟ مش عـارف بس الصـوت هدي وبقي مفيش اي حاجة .. خرجت من البانيـو وانا بتجـاهل المراياا .. بس عقلي رافض بيقولي لازم ابص ، عايزني ابص علي المرايا ، اقنعت نفسي اني مش هبص ، لحد موصلنا لاتفاق مشـترك .. هبص بطرف عيني بس!! .. كنت شـايف نفسي ، وبرغم اني واقف ب جنبي وباخد غياري ال متعلق ورا ال باب وبلبس باستعجـال الا.. ان في حد شبهي واقف بطوله بيبصلي .. بدون اي تعابيـر ، وبرغم اني لبست تشيـرت الا انه هو لسه عريـان!! .. كنت لازم افتح واخرج بسرعة.. وانا بغمض عيني !! بس بمجرد مخرجت ، حسـيت ان في طفل كان واقف برا وبمـجرد مخرجت دخل اوضتي جري كانه مش عايزني اشوفه .. كنت عـارف ان ده نفس الطفل ال بيراقبني ..




بدأت اخد المهدأت والعلاج ال كتبهالي الدكتـور .. بس الوضع بدأ يتحسن .. وعشـان كده مبقتش اخرج من اوضتي الاصوات بدأت تذداد ، خصـوصا صوت ماما وحسين رجع تاني.. صوت ضحك خارج براا..


-- انا مامتش ياعمـاد متقولش الجمـلة دي علي امك تاني انا هفضل في البيت ..


-- عمـاد انا حسين!! عارف انك صاحي عايز اتكلم معـاك شوية!! ..




كنت بحط المخدة على ودني .. بستحمل الانوار المقطوعة في البيت .. بستحمل صوت الخطوات في اوضتي ، بستحمـل الطفل ال عينه بتشع نور .. وبيبقي بيراقبني من جمب دولابي، بس مش قـادر .. مش قادر استحمل الجوع!! .. بقالي ٣ ايام مدخلتش لقمة في بطني وعشان كده طلبت دليفري .. جاالي بعد نص ساعة من الطلب!! .. رن عليا وقالي .. ان النور مقطوع ؟ .. كـانت اول صدمة ليا وعشان كده خرجت من اوضتي وفتحت كشـاف الصالة المشحون .. كان كشـاف طواريء اخويـا جابه قبل مايتوفي بشهرين .. لما فتحته ولع نور الصالة فقدرت اروح لباب الشقة بسهـولة وامـا فتحت لقيت الموصل بيديني الاوردر .. 


- مش عارف ياباشا اشمعني شقتك ال مضلمة الصراحة ، مع ان النور مش قاطع ..


ابتسمت ابتسـامه سمجه وانا بهز دماغي وبدور في جيبي علي الفلوس ال مش لاقيها!! ..واكيد في البنطلون التاني واثناء وانا بدور لقيته الطيار بيقول 


-- اعوذ بالله ... اعوذ باالله من الشيطان الرچيم!! باشا في واحد وواحدة عند الاوضة دي شكلهم اعووذ بالله!! .. 




رمي الاوردر وفضل يجري علي السلم!! بصيـت ورايا عشـان الاقي اخويا حسين وماما!! شكلهم غريب عيونهم بيضة تماما!!! .. لا لا .. عقل الموصل بتاع الاوردر كمان بيخدعه؟!! .. ماما وحسين ماتو!! .. مين دول!! 


------------------


#سحر الجنون#


قصص رعب,قصص جن,قصص,قصص واقعية مغربية عن الجن,قصص مرعبة,قصص الجن,قصص عن الجن,قصص واقعية عن الجن pdf,الجن,قصص رعب رنا,قصص واقعية مرعبة عن الجن,قصص حقيقية عن الجن فى مصر,قصص واقعية عن الجن العاشق,قصص واقعية عن الجن المسلم,قصص واقعية عن الجن في المغرب,قصص واقعية عن الجن بالدارجة,قصص واقعية عن الجن والشياطين,قصص واقعية عن الجنة والنار,قصص واقعية عن الجن في سلطنة عمان,قصص مرعبه,قصة مخيفة عن الجن,قصة حقيقية عن الجن,الجن العاشق,قصص رنا,قصص الجن و الارواح,قصص الجن حقيقية مغربية,رجل يتحدث عن الجنية




قولولي رأيكو في كومنت لو القصة عجبتكم

reaction:

تعليقات